Bolsamarketing modulynyň saýlama tapgyry yglan edildi
USAID-ň Telekeçiligi ösdürmek taslamasy Maslahatly Chozgut kompaniýasy bilen hyzmatdaşlykda Logistika, Marketing, HR – işgärleri dolandyrmak ugurlarynda işe ýerleşmekde täze mümkinçilikleri döretmeklige ugrukdyrylan “Işe girmegiň ýollary” atly maksatnamany başlaýar. Maksatnama zähmet bazarynyň möhüm ugurlarynyň birinde iş tapmaga ymtylýan uniwersitetleriň täze uçurymlaryna gönükdirilendir. Dalaşgärlerden okuwa çynlakaý çemeleşmekleri, ähli sapaklara hem-de çärelere işjeň gatnaşmaklary garaşylýar. Okuw Aşgabat şäherinde geçirilýär.
"Işe girmegiň ýollary" maksatnamasy öz aralarynda bagly bolmadyk her biri 1 aý dowam edýän 3 sany moduldan ybaratdyr. Logistika moduly eýýäm 2024-nji ýylyň maý aýynda başladyldy.
Şu günki gün bolsa marketing modulynyň saýlama tapgyry yglan edildi: Bu modul master-klasslaryň birnäçe tapgyryny özünde jemlemek bilen, siz marketing hakynda, şol sanda sosial torlarda öňe gidişligi gazanmak, SEO-kämilleşdirmek we has gowy netijelere ýetmek üçin emeli aňy ulanmak hakynda bilimleri alarsyňyz.
HR-işgär dolandyrma moduly iýulda başladylar. Öňdebaryjy HR-hünärmenleri, size işgärleri dolandyrmaklygyň ähli inçeliklerini özleşdirmäge kömek etmek arkaly, öz bilimlerini we tejribelerini paýlaşar. Siz iň ýokary netijeliligi gazanmak üçin täze tehnologiýalary nädip ulanmalydygyny öwrenersiňiz.
Her modul tamamlanan günündäki soňky Pitç-Güni - özüňizi iş berijilere tanatmak üçin gaýtalanmajak mümkinçilikdir: Bu gyzgalaňly çärede sizde potensial iş berijiler bilen gönümel gürrüňdeşlik geçirmek üçin we maksatnamanyň çäklerinde gazanan ukyp-başarnyklaryňyzy hem-de bilimiňizi görkezmek üçin mümkinçilik bolar. Maksatnamanyň "marketing" atly 2-nji modulyna gatnaşmaklyga hasaba alynmak üçin arzany 2024-nji ýylyň maý aýynyň 25-ne çenli doldurmak zerurdyr. Maglumatlar seljerileninden soň, ähli potensial gatnaşyjylar söhbetdeşlige çagyrylar. Ýer sanynyň çäkli bolandygy sebäpli, gatnaşyjylar bäsdeşlik esasynda saýlanylyp alynar. Indiki okuw modullarynyň başlanjak senesini sypdyrmazlyk üçin we olaryň ssylkasyna ygtyýarlyk gazanmak üçin biziň täzeliklerimizi yzarlaň.
