Azerbaýjanyň Aşgabatdaky ilçihanasynda Geýdar Aliýewiň doglan gününiň 101 ýyllygy mynasybetli çäre geçirildi
Azerbaýjan Respublikasynyň Türkmenistandaky ilçihanasynda azerbaýjan halkynyň umumy milli Lideri Geýdar Aliýewiň doglan gününiň 101 ýyllygy mynasybetli çäre geçirildi.
Azerbaýjanyň Türkmenistandaky Adatdan daşary we Doly ygtyýarly ilçisi Gismet Gezalow hem-de myhmanlar ilçihananyň binasynda Geýdar Aliýewiň heýkeline gül desselerini goýdular.
Diplomat ýygnananlaryň öňünde çykyş edip, Azerbaýjanyň häzirki zaman döwlet gurluşyny döretmekde, ýurduň halkara giňişliginde ykrar edilmeginde we ykdysadyýetiniň dikeldilmeginde Geýdar Aliýewiň eýeleýän aýratyn orny barada gürrüň berdi.
Çärä şeýle hem Türkmenistanda ýaşaýan azerbaýjanlaryň, jemgyýetçilik guramalaryň, köpçülikleýin habar beriş serişdeleriniň wekilleri hem-de diplomatlar gatnaşdylar.
ORIENT news
