Ýaponiýada 6G ulgamynda maglumatlary 100 Gbit/с tizlik bilen geçirdiler
Ýaponiýadaky kompaniýalar topary altynjy nesil öýjükli aragatnaşyk ulgamlary üçin dünýäde ilkinji ýokary tizlikli sim geçirijisiz ulgamyň synagyny amala aşyrdy.
Olar 100 metr belentlikde 90 metr aralyga maglumatlary 100 Gbit/с tizlik bilen geçirmegi başardylar. Munuň özi ykjam aragatnaşygyň bäşinji nesli üçin iň ýokary görkezijiden hem 10 esse uludyr. Meselem, şeýle tizlik şol bir wagtyň özünde HD formatyndaky 5 filmi bir sekuntda geçirmäge mümkinçilik berýär.
Synaglaryň netijesi sim geçirijisiz (6G) enjamynyň maglumatlary 100 Gbit/с tizlik bilen ýapyk binalarda 100 GGs diapazony ulanyp, açyk meýdanda bolsa 300 GGs diapazony ulanyp geçirýändigini görkezdi.
Häzirki wagtda 5G standarty sim geçirjisiz aragatnaşygyň iň köp ulanylýan görnüşi bolup durýar. Ony smartfonlaryň aglaba bölegi goldaýar.
5G-nyň 6G-dan esasy tapawudy dürli standartlardaky enjamlaryň ulanýan elektromagnit spektrynyň ýygylyk diapazonlarynyň dürli-dürli bolmgyndadyr. Has ýokary diapazonlar has ýokary tizligi üpjün edýär.
ORIENT news
