«Türkmen dünýäsi» gazeti we Türkmenistanyň tebigaty goramak jemgyýeti Magtymgulynyň 300 ýyllygy mynasybetli bäsleşige gatnaşmaga çagyrýar
«Türkmen dünýäsi» gazeti Türkmenistanyň tebigaty goramak jemgyýeti bilen bilelikde Magtymguly Pyragynyň doglan gününiň 300 ýyllygy mynasybetli döredijilik bäsleşigini geçirýär.
«Reňbe-reň gül açar ýaşyl ýaýlasy» atly bäsleşige Magtymguly Pyragynyň goşgulary arkaly tebigata aýawly çemeleşmegiň möhümdigini açyp görkezýän goşgular, makalalar, hekaýalar kabul edilýär. Şeýle hem hödürlenýän eserlerde Türkmenistanyň ekologiýa syýasaty, döwlet Baştutanymyzyň bu ugurda öňe sürýän başlangyçlary öz beýanyny tapmaly.
Işleri tabşyrmagyň ahyrky senesi – 2024-nji ýylyň 25-nji awgusty. Olary turkmendunyasi@sanly.tm elektron poçta ýa-da «Türkmen dünýäsi» gazetiniň Aşgabat şäheri, Garaşsyzlyk şaýoly 100, Türkmenbaşynyň erkin döredijilik mekany salgysynda ýerleşýän redaksiýasyna ibermeli.
Hatyň ýany bilen awtoryň özi hakynda gysgaça maglumaty (doglan ýyly, iş we ýaşaýan ýeri, işi, telefon belgisi) goşmaly.
Bäsleşigiň ýeňijileri şu ýylyň sentýabr aýynda yglan ediler.
Habarlaşmak üçin telefonlar: 38-60-44; 38-60-41.
ORIENT news
