Türkmen ştangaçysy Dawranbek Hasanbaýew Pariždäki Olimpiýa oýunlaryna gatnaşar
Aprel 10, 2024 | 13:19 |8404
Türkmenistanly agyr atletikaçy Dawranbek Hasanbaýew Pariž şäherinde geçiriljek Tomusky Olimpiýa oýunlaryna ygtyýarnama gazandy. Ildeşimiziň agyr atletika boýunça Dünýä kubogynda gazanan altyn medaly oňa Olimpiýa oýunlaryna gatnaşmaga hukugy üpjün etdi.
Dawranbek 102 kilograma çenli agram derejesinde çykyş edip, ştangany silkip galdyrmakda 187 kilogram we itekläp galdyrmakda 205 kilogram, netijede jemi 392 kilogram galdyrmagy başardy.
Agyr atletika boýunça Dünýä kubogy 26-njy iýuldan 11-nji awgust aralygynda Parižde geçjek Olimpiýa oýunlaryna iň soňky kwalifikasiýa ýaryşydyr. Dünýä kubogy 11-nji aprele çenli dowam eder.
ORIENT news
