Tailand Günorta-Gündogar Aziýanyň beýleki ýurtlary bilen bilelikde Şengen zolagynyň nusgasyny döretmegi meýilleşdirýär
Tailand Günorta-Gündogar Aziýanyň beýleki ýurtlary bilen sebitdäki Şengen zolagynyň nusgasyny döretmegi meýilleşdirýär.
Bu taslamany Tailandyň premýer-ministri Settha Thawisin Malaýziýadan, Wýetnamdan, Mýanmadan, Kambojadan we Laosdan kärdeşleri bilen bilelikde ara alyp maslahatlaşdy diýip, «Bloomberg» habar berýär.
Bilelikdäki wiza maksatnamasynyň durmuşa geçirilmegi sebitiň ýurtlaryna gelýän syýahatçylaryň sanyny artdyrmaga we olara alty ýurduň dynç alyş merkezleriniň arasynda erkin hereket etmäge mümkinçilik döreder. Hususan-da, Tailand syýahatçylykdan gelýän girdejilerini artdyrar.
Emma alty ýurduň immigrasiýa hakyndaky kanunlarynyň aratapawudy bu başlangyjyň durmuşa geçirilmegini uzaga çekdirip biler.
Şengen zolagy Ýewropa Bileleşiginiň Şengen kanunçylygyna goşulan we öz aralarynda serhet gözegçiligini ýatyran 29 Ýewropa döwletini öz içine alýar.
ORIENT news
