TDHÇB-de söwdalar: nebithimiýa, oba hojalyk, ýeňil senagat önümleri hem-de türkmen halylary ýerlenildi
Sişenbe güni, 2-nji aprelde, Türkmenistanyň Döwlet haryt-çig mal biržasynyň söwdalarynda ýurdumyzda öndürilýän nebithimiýa, oba hojalyk we ýeňil senagat önümleri, şeýle hem elde dokalan türkmen halylary ýerlenildi.
Daşarky bazarda Birleşen Arap Emirliklerinden we Gyrgyzystandan telekeçiler pagta süýümini, düz boýalan hem-de žakkard sütükli önümleri satyn almak boýunça Türkmenistanyň kompaniýalary bilen geleşikleri baglaşdylar.
Içerki bazarda türkmen işewürleri «TPP D 30 S» kysymly polipropileni satyn almak boýunça «Türkmennebit» döwlet konserni bilen geleşik baglaşdylar.
Şeýle hem olar elde dokalan türkmen halylaryny satyn aldylar.
Söwdalaryň dowamynda jemi bahasy 2 407 000 manatlyk we 2 351 200,80 dollarlyk 5 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
