TDHÇB-de söwdalar: nebithimiýa, ýeňil senagat önümleri hem-de türkmen el halylary islegden peýdalandy
Duşenbe güni, 1-nji aprelde, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda ýurdumyzda öndürilýän nebithimiýa, ýeňil senagat önümleri hem-de türkmen el halylary islegden peýdalandy.
Birleşen Arap Emirliklerinden, Owganystandan we Türkiýeden telekeçiler «Jet A-1» kysymly awiakerosini we «B» kysymly karbamidi satyn almak boýunça «Türkmennebit» hem-de «Türkmenhimiýa» döwlet konsernleri bilen geleşikleri baglaşdylar.
Türkiýeli işewürler nah ýüplügini we jinsi matasyny satyn almak boýunça Türkmenistanyň kompaniýalary bilen geleşikleri baglaşdylar.
Içerki bazarda Türkmenistanyň işewür toparlarynyň wekilleri «TPP D 30 S» kysymly polipropileni satyn almak barada «Türkmennebit» döwlet konserni bilen geleşik baglaşdylar.
Şeýle hem olar türkmen halylaryny satyn aldylar.
Söwdalaryň dowamynda jemi bahasy 2 409 788,06 manatlyk we 11 016 255,55 dollarlyk 19 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
