Ärdogan: Türkiýedäki saýlawlar demokratiýanyň ýeňşi boldy
Türkiýede ýerli häkimiýet edaralaryna saýlawlar geçirildi diýip, Anadolu agentligi habar berýär.
20 ýylda ilkinji gezek garşydaş Respublikan halk partiýasy dolandyryjy Adalat we galkynyş partiýasyndan öňe saýlandy. Ankara, Stambul we Izmir ýaly uly şäherleriň häkimleri öz wezipelerinde galdylar.
Adalat we galkynyş partiýasynyň (AKP) baş binasynda eden çykyşynda Türkiýäniň Prezidenti Rejep Taýyp Ärdogan Respublikadaky ýerli häkimiýet edaralaryna saýlawlaryň türk demokratiýasynyň beýanydygyny aýtdy.
«Netijelere garamazdan, bu saýlawlaryň ýeňijisi, ilkinji nobatda demokratiýamyz, halkymyzyň erk-islegi bolar. Saýlaw marafonynyň ýeňijileri, ilkinji nobatda, dalaşgärler däl-de, eýsem, Türkiýe, syýasy garaýyşlaryna garamazdan, ýurduň 85 million raýatynyň ählisi boldy» diýip, Ärdogan aýtdy we türk demokratiýasy özüniň kämilligini ýene bir gezek subut edendigini belledi.
Türk döwlet Baştutany saýlaw uçastoklaryna gelen ähli saýlawçylara minnetdarlyk bildirdi.
Geljek dört ýylyň ýurt üçin ähmiýetine ünsi çekip, Rejep Taýyp Ärdogan üstünliklere ýetmek syýasaty we halka hyzmat etmek arkaly kämilligini görkezmäge, Türkiýäniň her bir ýaşaýjysynyň abadançylygyny ýokarlandyrmak, howpsuzlygyny üpjün etmek hem-de geljege bolan umytlaryny durmuşa geçirmek üçin işlemegi dowam etdirmäge söz berdi
ORIENT news
