TDHÇB-de söwdalar: nebithimiýa, ýeňil senagat, oba hojalyk önümleri we türkmen halylary ýerlenildi
Anna güni, 29-njy martda, Türkmenistanyň Döwlet haryt-çig mal biržasynyň söwdalarynda ýurdumyzda öndürilýän nebithimiýa, ýeňil senagat, oba hojalyk önümleri we türkmen halylary ýerlenildi.
Daşarky bazarda Birleşen Arap Emirlikleriniň we Owganystanyň telekeçileri «BND 60/90» kysymly nebit ýol bitumyny we «SN-180» kysymly binýatlyk ýagyny satyn almak boýunça «Türkmennebit» döwlet konserni bilen geleşik baglaşdylar.
Azerbaýjanyň we Birleşen Arap Emirlikleriniň işewür toparlarynyň wekilleri türkmen kompaniýalaryndan nah ýüplügini satyn aldylar.
Içerki bazarda Türkmenistanyň telekeçileri «TPP D30S» kysymly polipropileni satyn almak boýunça «Türkmennebit» döwlet konserni bilen geleşik baglaşdylar.
Olar Türkmenistanyň Saglygy goraýyş we derman senagaty ministrliginden buýan köküniň goýy ekstraktyny satyn aldylar.
Şeýle hem Türkmenistanyň telekeçileri türkmen halylaryny satyn aldylar.
Söwdalaryň dowamynda jemi bahasy 19 076 807,47 manada we 1 813 974,80 dollara deň bolan 11 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
