TDHÇB-de söwdalar: içerki we daşarky bazarlarda nebithimiýa we ýeňil senagat önümleri uly islegden peýdalandy
Sişenbe güni, 26-njy martda, Türkmenistanyň Döwlet haryt-çig mal biržasynyň söwdalarynda içerki we daşarky bazarlarda ýurdumyzda öndürilýän nebithimiýa we ýeňil senagat önümleri uly islegden peýdalandy.
Türkiýeden we Birleşen Arap Emirliklerinden telekeçiler suwuklandyrylan gazy we «BND 60/90» kysymly nebit ýol bitumyny satyn almak boýunça «Türkmengaz» hem-de «Türkmennebit» döwlet konsernleri bilen geleşikleri baglaşdylar.
Içerki bazarda Türkmenistanyň işewür toparlarynyň wekilleri aşgarlanmadyk nah ýüplügini satyn almak barada Türkmenistanyň Dokma senagaty ministrligi bilen geleşik baglaşdylar.
Söwdalaryň dowamynda jemi bahasy 684 000 manatlyk we 315 200 dollarlyk 3 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
