Türkmen diplomaty Ç.Aýtmatow adyndaky Dil we edebiýat institutynyň direktory bilen duşuşdy
Türkmenistanyň Gyrgyzystandaky ilçisi Nury Gölliýew Gyrgyz Respublikasynyň Milli Ylymlar akademiýasynyň Çingiz Aýtmatow adyndaky Dil we edebiýat institutynyň direktory Abdyldažan Akmataliýew bilen duşuşdy.
Söhbetdeşligiň esasy mowzugy akademiki we ylmy ugurlarda hyzmatdaşlyk, şol sanda beýik türkmen şahyry Magtymguly Pyragynyň doglan gününiň 300 ýyllygyna bagyşlanyp, 2024-nji ýylyň «Pähim-paýhas ummany Magtymguly Pyragy» ýyly hökmünde yglan edilmeginiň çäklerinde Gyrgyzystanda bilelikdäki çäreleri guramak bilen baglanyşykly boldy.
Abdyldažan Akmataliýew Türkmenistanyň Halk Maslahatynyň Başlygy Gurbanguly Berdimuhamedowa gyrgyz wekiliýetiniň hem işjeň gatnaşmagynda Aşgabatda geçirilen Türki Döwletleriň Guramasynyň Aksakgallar geňeşiniň 15-nji mejlisiniň ýokary guramaçylygy üçin ýene bir gezek hoşallyk bildirdi.
ORIENT news
