Ýewropany kwant hasaplaýyş merkezine öwürjek «Kwant ylalaşygyna» gol çekildi
ÝB agza döwletleriň Baştutanlary Ýewropada kwant hasaplaýyş tehnologiýalary ulgamynda hyzmatdaşlyk etmegiň, maýa goýmagyň we innowasiýalary ösdürmegiň esasyny goýmagy hem-de Ýewropany «dünýäniň kwant jülgesine» öwürmegi maksat edinýän «Kwant ylalaşygyna» gol çekdiler.
Kwant hasaplamasy lukmançylyk, energetika we howany modelirlemek ýaly köp sanly ulgamlarda ulanylar. Tomas Skordasyň bellemegine görä, kwant hasaplamasy öndürijiligi ýokarlandyrar, senagatyň ösmegine itergi berer we täze bazarlary açar.
Ylalaşyga Ýewropa ýurtlarynyň 20-si: Horwatiýa, Kipr, Çehiýa, Daniýa, Estoniýa, Finlýandiýa, Fransiýa, Germaniýa, Gresiýa, Wengriýa, Italiýa, Latwiýa, Niderlandlar, Polşa, Rumyniýa, Ispaniýa, Slowakiýa, Sloweniýa, Ispaniýa we Şwesiýa gol çekdi. Irlandiýa ylalaşyga gol çekmedi.
Olar kwant hasaplaýyş ulgamyndaky gözlegleri, işläp taýýarlamlary we innowasiýalary gowulandyrmak hem-de çaltlandyrmak üçin özara bähbitli hyzmatdaşlygy giňeltmäge, şeýle hem iş orunlarynyň döredilmegine we kwant tehnologiýalarynyň ykdysadyýetde giňden ulanylmagyna goldaw bermäge borçlanýarlar.
«Diňe güýçli taraplarymyza daýanyp, bilelikde işlemek, hyjuwymyzy görkezmek, işleriň ähli ugurlaryna – gözleglere, senagata, infrastruktura, zehinlere, daşarky hyzmatdaşlyga we başga-da köp zatlara üns bermek arkaly biz Ýewropany kwant kämilligi we innowasiýalary boýunça dünýäde öňdebaryjy sebite öwrüp bileris. Kwant hasaplamasy mümkinçiligiň çäklerine garşy çykmaga kömek eder» diýip, Skordas aýtdy.
ORIENT news
