TDHÇB-de söwdalar: daşarky bazarda nebithimiýa we ýeňil senagat önümleri ýerlenildi

Mart 26, 2024 | 10:54 |4561

Duşenbe güni, 25-nji martda, Türkmenistanyň Döwlet haryt-çig mal biržasynyň söwdalarynda daşarky bazarda ýurdumyzda öndürilýän nebithimiýa we ýeňil senagat önümleri ýerlenildi.

Özbegistandan telekeçiler kükürtsizlendirilen dizel fraksiýasyny we gidro usulda arassalanan dizel ýangyjyny satyn almak boýunça «Türkmennebit» we «Türkmenhimiýa» döwlet konsernleri bilen geleşikleri baglaşdylar.

Türkiýeli işewürler aşgarlanmadyk «Ranfors» 100% nah matany satyn almak barada türkmen kompaniýalary bilen geleşikleri baglaşdylar.

Söwdalaryň dowamynda jemi bahasy ABŞ-nyň 751 530 dollaryna deň bolan 3 geleşik baglaşyldy.

Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.

ORIENT news