Türkmen işewürleri Gresiýada geçiriljek miweleriň we gök önümleriň halkara sergisine çagyrylýar
Mart 25, 2024 | 14:18 |6561
Türkmenistanyň Senagatçylar we telekeçiler birleşmesiniň agzalary Gresiýa Respublikasynyň Saloniki şäherinde şu ýylyň 11 – 13-nji apreli aralygynda geçiriljek «Freskon» atly miweleriň we gök önümleriň halkara sergisine gatnaşmaga çagyrylýar.
«Freskon» – bu Balkanlarda we Günorta-Gündogar Ortaýer deňzinde geçirilýän miweleriň we gök önümleriň iň iri sergisidir.
Sergi ugurlary: ter miweler we gök önümler; organiki önümler, gaplamak we standartlaşdyrmak üçin materiallar; ulag-logistika kompaniýalary, şeýle hem hile gözegçilik barlaghanalary.
Şu ýyl Polşa sergä hormatly myhman hökmünde gatnaşýan ýurt bolar, çünki ol ter miweleri hem-de gök önümleri öndürmekde we eksport etmekde öňdebaryjy orny eýeleýär.
ORIENT news
