BMG-niň Baş Assambleýasy emeli aň hakyndaky ilkinji Kararnamany kabul etdi
BMG-niň Baş Assambleýasy «Durnukly ösüş üçin howpsuz, goralan we ygtybarly emeli aň ulgamlarynyň mümkinçiliklerinden peýdalanmak» atly emeli aň ulgamlaryna degişli ilkinji Kararnamany kabul etdi.
ABŞ tarapyndan öňe sürlen resminama emeli aň pudagynda parahatçylykly hyzmatdaşlygy üpjün etmäge gönükdirilendir. Ol ýurtlary sanly özgertmeler, şol sanda intellektual eýeçilik hukuklaryna hormat goýmak, şahsy maglumatlary goramak, emeli aň esasynda alnyp barylýan işleriň aýdyňlygyny, netijeleriniň öňünden görülmegini we ygtybarlylygyny üpjün etmek ugrunda işlemäge çagyrýar.
Resminamanyň awtordaşy hökmünde 120 döwlet çykyş etdi.
«Şu gün kabul edilen täzeçil Kararnama durnukly ösüşi üpjün edýän we esasy azatlyklara hormat goýýan howpsuz, ygtybarly, ynama mynasyp emeli aň ulgamlaryna degişli ählumumy ylalaşygy pugtalandyrýar» diýip, ABŞ-nyň BMG-däki hemişelik wekili Linda Tomas-Grinfild belledi.
Emeli aňyň meseleleri boýunça BMG-niň ilkinji mejlisi geçen ýylyň iýul aýynda geçirildi. BMG-niň Baş sekretary Antoniu Guterriş emeli aňy kadalaşdyrmak üçin dünýä standartlaryny düzjek edarany döretmek teklibini goldady.
ORIENT news
