“Türkmendeňizderýaýollary” agentligi Magtymguly Pyragynyň ömür we döredijilik ýoluna bagyşlanan çäre geçirdi
“Türkmendeňizderýaýollary” agentligi Türkmenistanyň Demokratik partiýasynyň welaýat komiteti hem-de Türkmenbaşy şäherindäki bölümi bilen bilelikde Magtymguly Pyragynyň ömür we döredijilik ýoluna bagyşlanan çäre geçirdi.
Çärä “Türkmendeňizderýaýollary” agentliginiň garamagyndaky edara-kärhanalaryň işgärleri, Türkmenbaşy deňizçilik orta hünär mekdebiniň talyplary gatnaşdylar.
Çykyş edenler beýik şahyryň we akyldaryň döredijiliginiň, onuň eserleriniň ýaş nesil üçin ähmiýetini bellediler. Magtymgulynyň döredijilik mirasy dünýä edebiýatynyň genji-hazynasynyň aýrylmaz bölegidir.
Magtymguly Pyragynyň doglan gününiň 300 ýyllygynyň 2024-2025-nji ýyllarda ÝUNESKO bilen bilelikde belleniljek şanly seneleriň sanawyna girizilmegi, TÜRKSOÝ tarapyndan 2024-nji ýylyň “Türki dünýäniň beýik şahyry we akyldary Magtymguly Pyragy ýyly” diýlip yglan edilmegi munuň aýdyň subutnamasydyr.
ORIENT news
