Özbegistanda ýerli brendleri daşary ýurtlarda ilerletmek boýunça kompaniýa dörediler
Özbegistanda ýerli brendleri daşary ýurtlarda ilerletmek boýunça kompaniýa dörediler. Bu barada Respublikanyň Prezidenti Şawkat Mirziýoýewiň metbugat gullugy habar berýär.
Bu kompaniýanyň düzümine girjek daşary ýurtly dizaýnerler, tehnologlar we marketologlar ýerli önümleriň halkara talaplaryna laýyk gelmegine jogapkär bolarlar. Şeýle hem bu kompaniýa telekeçileriň durnuklylygynyň reýtinginiň esasynda olara dürli maliýe we beýleki goldawy bermäge hukuk berler.
Respublikada ykdysadyýetiň bu ulgamynda amala aşyrylýan özgertmeleriň çäklerinde sebitlerdäki önümçilik, ykdysady zolaklar we eksport bilen baglanyşykly meseleleri bir ulgama birleşdirmek, 12 sany pudak we senagat asssossiýasalary bolsa ýurduň Söwda-senagat edarasynyň garamagyna geçirmek meýilleşdirilýär. Öz gezeginde, kompaniýalary goldamak boýunça meseleler bilen döwlet edaralary däl-de, telekeçileriň öz-özüňi dolandyryş guramalary meşgullanar.
Özbegistanyň Prezidenti eksport ugurly harytlaryň önümçiligine sebitlerdäki işewür toparlarynyň wekillerini çekmegiň zerurdygyny nygtady.
ORIENT news
