14-nji maýda «Google I/O 2024» masalahaty geçiriler
14-nji maýda «Google» kompaniýasa tarapyndan işläp düzüjiler üçin her ýylda guralýan «Google I/O» maslahaty geçiriler.
Maslahata gönüden-göni gatnaşmak hem, onlaýn ýaýlymyna tomaşa etmek hem mümkindir.
«Google I/O 2024» maslahatynda merkezi orny emeli aň eýelär. Çünki kompaniýa «Google-yň» «Gemini» atly flagman emeli aň modelinden we «Gemma» atly onuň ýönekeýleşdirilen görnüşinden soň bu ugurdaky ösüşi görkezmegi maksat edinýär.
«Google I/O 2024» maslahatynda «Android 15» operasion ulgamynyň täze aýratynlyklary we kompaniýanyň «Gmail» hem-de «Google Photos» ýaly esasy hyzmatlary üçin täzelenmeler tanyşdyrylar.
«Google I/O» maslahaty Kaliforniýanyň San-Fransisko şäherindäki «Moscone» merkezinde geçiriler. Onuň çäklerinde 100-den gowrak sessiýa geçer.
ORIENT news
