Moskwada Oraza çadyry açyldy
Moskwa şäherindäki Tagzym (Poklonnaýa) depesinde ýerleşýän Hatyra (Memorial) metjidiniň ýanynda Oraza çadyry açyldy.
Her ýylda geçirilýän haýyr-sahawat taslamasy bolan Oraza çadyry Moskwanyň Hökümetiniň we Russiýa Federasiýasynyň Musulmanlar müftiýetiniň goldamagynda Moskwanyň Musulmanlar müftiýeti tarapyndan guralýar.
Şu ýyl 19-njy gezek guralýan Oraza çadyry maşgala mowzugyna bagyşlanýar. Bu ýurduň Prezidenti Wladimir Putiniň Permany bilen şu ýylyň Russiýada “Maşgala ýyly” diýlip yglan edilmegi bilen baglanyşyklydyr.
Onuň çäklerinde dostlukly döwletleriň medeniýetine, däp-dessuryna bagyşlanyp guraljak çärelerdir çykyşlar maşgala gymmatlyklaryny, kiçileri söýmegi ululara hormat goýmagy wagyz etmek bilen bagly bolar.
Guraljak medeni çäreler bilen birlikde, bu ýerde isleg bildirýänlere agyz açar tagamyny (iftar) beýlekiler bilen paýlaşmaga çagyrylýar. Mundan başga-da, agyz açar agşamlygy berler. Oraza çadyrynyň ýerleşýän ýeri ýyl-ýyldan gipelýär. Çünki bütin aýyň dowamynda bu ýere müňlerçe adam gelýär.
27-nji martda “Oraza çadyry” taslamasynyň çäklerinde Türkmenistanyň agşamy guralar.
Bu taslama 13 we 14-nji aprelde uly möçberde geçiriljek maşgala festiwaly bilen tamamlanar.
ORIENT news
