Türkmen zyýaratçylary “Iki mukaddesligiň goragçysy” maksatnamasy boýunça syýahat etdiler
Kiçi haj parzyny berjaý etmek üçin Saud Arabystanyna baran türkmenistanly zyýaratçylar Patyşalygyň Yslam işleri boýunça ministrliginiň “Iki mukaddesligiň goragçysy” maksatnamasy boýunça syýahat etdiler. Bu barada “News from the Kingdom of Saudi Arabia” habarlar agentligi mälim edýär.
Türkmen wekilleri bilen birlikde, Russiýadan, Awstraliýadan, Täze Zelandiýadan, Bangladeşden, Täjigistandan, Şri-Lankadan, Maldiw adalaryndan, Hinistandan, Gazagystandan, Pakistandan, Azerbaýjandan, Nepaldan, Türkiýeden, Kosowodan we Gyrgyzystandan 250-ä golaý zyýaratçy bu maksatnama gatnaşdylar. Myhmanlar Musulmanlaryň mübäre ýazgysyny ýazmak boýunça çaphana toplumyna baryp gördüler.
Toplumyň ýolbaşçylary syýahatçylara mukaddes kitabyň taýýarlanyşy barada giňişleýin gürrüň berdiler. Myhmanlar ruhy gymmatlyklary aýap saklamakda we wagyz etmekde toplumyň goşýan ähmiýetli goşandyny bellediler. Şeýle hem degişli maksatnamanyň çäklerindäki bilim başlangyçlary barada myhmanlara gürrüň berildi. Syýahatyň ahyrynda zyýaratçylara mukaddes kitabyň nusgalary sowgat berildi.
ORIENT news
