Türkmenistan gant şugundyrynyň 70 tonnalyk tohumyny satyn alar
Türkmenistanyň Azyk senagaty döwlet birleşigi halkara ölçeglere laýyk gelýän gant şugundyrynyň 70 045 kilogramyny satyn almak boýunça bäsleşigiň geçirilýändigini yglan edýär.
Bu bäsleşik kärendeçileri ýokary hilli tohumlar bilen üpjün etmek hem-de gant şugundyrynyň bol hasylyny almak we obasenagat toplumyny ösdürmek maksady bilen geçirilýär.
2023-nji ýylda Türkmenistanda gant şugundyry ekilen 17,9 müň gektar ýerden 224 müň tonna hasyl alyndy. Bu 2022-nji ýylda 18 müň gektar ýere ekilen gant şugundyryndan 20 müň tonna köpdür. Bu ekin Mary we Balkan sebitlerinde giňden ösdürilip ýetişdirilýär. Senagaty dolandyrmagyň netijeliligini ýokarlandyrmak maksady bilen Azyk senagaty döwlet birleşigi 2024-nji ýylyň fewral aýynda Oba hojalygy ministrliginden bölünip aýryldy.
Bäsleşige gatnaşmak isleýän taraplaryň arzalary 5-nji aprele, sagat 12:00-a çenli kabul edilýär.
Salgysy: Aşgabat şäheri, Arçabil şaýoly, 92-nji jaý, 311-nji otag.
Habarlaşmak üçin telefon belgileri: (+993 12) 44-75-10, 44-75-64
ORIENT news
