«Türkmenaragatnaşyk» agentliginde Arkadagly Gahryman Serdarymyzyň adyndan zenanlara pul sowgatlary hem-de gül çemenleri gowşuryldy
«Türkmenaragatnaşyk» agentliginiň mejlisler zalynda Halkara zenanlar güni mynasybetli Arkadagly Gahryman Serdarymyzyň adyndan güneşli Diýarymyzyň durmuşynyň bezegi bolan zenanlara pul sowgatlary hem-de gül çemenleri dabaraly ýagdaýda gowşuryldy.
Berkarar döwletiň täze eýýamynyň Galkynyşy döwründe şöhratly pederlerimiziň paýhasly ýörelgelerini mynasyp dowam etdirýän hormatly Prezidentimiziň ýolbaşçylygynda mähribanlygy, gözelligi, wepalylygy we kämilligi özünde jemleýän türkmen zenanlaryna uly hormat, sarpa goýulýar.
Ata-Watanymyzda bahar paslynyň ilkinji günlerinde 8-nji mart – Halkara zenanlar gününiň giňden bellenip geçilmegi Watanymyzyň ýeten belent sepgitlerine mynasyp goşant goşýan zenanlara we mährem enelere çäksiz hormat goýulýandygynyň aýdyň beýanydyr.
«Türkmenaragatnaşyk» agentliginde geçirilen dabarada hem türkmen halkynyň mukaddes ruhy gymmatlyklaryny we ynsanperwer däplerini aýap saklaýan we dowam etdirýän gelin-gyzlarymyzyň we mähriban enelerimiziň şanyna tüýs ýürekden gutlaglar we iň gowy arzuwlar beýan edildi.
Ýurdumyzyň mährem zenanlaryna, gözel gyzlaryna, paýhasly enelere, zähmetsöýer gelin-gyzlara bagyşlanan dabarada çykyş edenler zenan mertebesini belentde tutýan Gahryman Arkadagymyza we Arkadagly Gahryman Serdarymyza alkyş sözlerini aýtdylar.
ORIENT news
