Hytaýda halk wekilleriniň Ählihytaý ýygnagynyň 2-nji sessiýasy açyldy
Pekin şäherindäki Halk ýygnagy öýünde halk wekilleriniň 14-nji çagyrylyşynyň Ählihytaý ýygnagynyň 2-nji sessiýasy açyldy. Ol Hytaýyň iň ýokary kanun çykaryjy edarasydyr.
Si Szinpin we beýleki partiýa hem-de döwlet ýolbaşçylary sessiýanyň açylyş dabarasyna gatnaşdylar. Onuň işine 3 müňe golaý deputat gatnaşýar.
Sessiýanyň açylyş dabarasynda Döwlet geňeşiniň Premýeri Li Sýan Hökümetiň ýerine ýetiren işi barada hasabat bilen çykyş etdi.
Halk wekilleriniň 14-nji çagyrylyşynyň Ählihytaý ýygnagynyň 2-nji sessiýasynda Hökümetiň ýerine ýetiren işleri baradaky hasabatda beýan edilen esasy maglumatlar şulardan ybaratdyr:
Jemi içerki önümiň ösüş görkezijisini 5 göterimde saklamak maksat edilýär;
Şäherlerde we şäherçelerde ilatyň iş üpjünçiliginiň ýokarlanmagy: 12 million adamdan gowrak;
Jemi içerki önüm bilen gatnaşykda býujet ýetmezçiligi: 3 göterim;
Ýerli häkimiýetleriň maksatnamalaýyn bergisi: 3,9 trillion ýuan;
Ýokary uzak möhletli ýörite döwlet borçnamalaryny çykarmak;
“Emeli intellekt +” atly Hereketleriň meýilnamasyny durmuşa geçirmek;
Özgerdiji we öňdebaryjy tehnologiýalary işläp taýýarlamagy işjeňleşdirmek;
“Sarp edişi sazlaşdyrmagyň ýyly” maksatnamasynyň çäklerinde çäreleri utgaşdyrmak;
Merkezi býujetden goýberiljek maýa goýumlar: 700 milliard ýuan;
Içerki islegleri giňeltmek;
Daşary ýurt maýalarynyň hasabyna esaslandyrylan kärhanalar üçin milli düzgünleri ornaşdyrmak;
“Ýuwaşummanüsti hyzmatdaşlygy hakynda hemmeleri öz içine alyjy we ösüş ylalaşygyna” goşulyşmak işlerine itergi bermek;
Daşarky dünýä açyklygy ýokary derejede giňeltmek;
Gozgalmaýan emläk töwekgelçiligi, kiçi we orta maliýe guramalary bilen ýerli hökümet karz borçnamalary bilen baglanyşykly töwekgelçilikleri çözmek;
Milli howpsuzlygy we durmuş durnuklylygy üpjün etmek;
Energetika öwrülişigi ilerletmek;
“Garaşsyz Taýwanyň” tarapdarlarynyň bölüji hereketlerine garşy çykyş etmek we daşarky güýçleriň gatyşmagyna garşy berk durmak;
Halkara gatnaşyklarynda deňligi we adalaty goldamak;
Sessiýa öz işini 10-njy marta çenli dowam eder.
ORIENT news
