Türkmenistanyň Prezidenti bolgar kärdeşini ýurduň Azatlyk güni mynasybetli gutlady
Mart 04, 2024 | 13:47 |5410
Türkmenistanyň Prezidenti Serdar Berdimuhamedow Bolgariýa Respublikasynyň Prezidenti Rumen Radewe ýurduň milli baýramy — Azatlyk güni mynasybetli tüýs ýürekden gutlaglaryny we iň gowy arzuwlaryny iberdi. Bu barada Türkmenistanyň Döwlet habarlar agentligi mälim edýär.
Serdar Berdimuhamedow şu ýakymly mümkinçilikden peýdalanyp, Prezident Rumen Radewe tüýs ýürekden berk jan saglyk, bagtyýarlyk, uly üstünlikleri, Bolgariýa Respublikasynyň ähli halkyna bolsa parahatçylyk, mundan beýläk-de ösüş, rowaçlyk arzuw etdi.
1878-nji ýylyň 3-nji martynda Osmanly we Russiýa imperiýalarynyň arasynda San-Stefan parahatçylyk şertnamasy baglaşylýar. Oňa laýyklykda, Bolgariýa garaşsyz döwlet diýlip yglan edilýär.
ORIENT news
