Gurbanguly Berdimuhamedow Antalýa diplomatiýa forumynda çykyş eder
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 90-a golaý ýurtdan döwlet Baştutanlaryň, ministrleriň gatnaşmagynda Türkiýäniň Antalýa şäherinde geçirilýän Diplomatiýa forumynyň açylyş dabarasynda ilkinjileriň hatarynda çykyş eder. Bu barada “TASS” habarlar agentligi mälim edýär.
Forumyň çäklerinde 40-a golaý plenar mejlsiler geçiriler. Olarda halkara gün tertibiniň möhüm meseleleri maslahatlaşylar. Türkmenistanyň Halk Maslahatynyň Başlygy bilen bilelikde, açylyş dabarasynda Türkiýäniň Prezidenti Rejep Taýyp Ärdogan, Eswatininiň Patyşasy Mswati III, Wengriýanyň Premýer-ministri Wiktor Orban çykyş eder.
Gatnaşyjylaryň hatarynda Azerbaýjanyň, Ermenistanyň, Gazagystanyň, Özbegistanyň, Täjigistanyň daşary işler ministrleri, Ukrainanyň daşary işler ministriniň orunbasary bar. Forumda şeýle hem Ýewropa Geňeşiniň Baş sekretary Mariýa Peýçinowiç-Buriç, ÝHHG-niň Baş sekretary Helga Şmid çykyş ederler.
Üçünji gezek geçirilýän forumyň çäklerinde ikitaraplaýyn ylalaşyklara gol çekiler.
ORIENT news
