Çagalary begendirmek üçin 3300 kilometrden tonnalap gar getirtdi
Hytaýyň täjirçilik ulag kompaniýasy ýurduň sowuk demirgazygyndaky Harbin şäherinden onlarça tonna gary tropiki günortada ýerleşýän Guançžou şäherindäki howandarlyga mätäç çagalaryň mekdebine getirtmek üçin 28 000 dollar çykdajy etdi.
Resmi taýdan bu waka “Beijing Truck Home Information Technology” kompaniýasynyň öndürýän sowadyjylaryryny mahabatlandyrýan çäre bolsa-da, gatnaşan sürüjiler we işgärler üçin çagalaryň şatlygyny görmek aýratyn rolgundyryjy boldy. Bu başlangyç kompaniýanyň ýolbaşçylaryna täze sowadyjy zynjyrly awtoulag modellerini uzak aralyga synag etmekçi bolanda ýüze çykdy.
Dört günüň içinde Harbinden Guançžou şäherine çenli 3300 kilometr aralygy geçen ulag kerweni Sinçži çagalar sagaldyş merkezine geldi. Ýük awtoulaglarynda “Gar bilen söweşini guralyňmy?” diýen ýazgyly plakatlar ýerleşdirildi.
Uzak aralykdan getirilen gar düşürilenden soň, 2000-e golaý autist we beýleki fiziki mümkinçiligi çäkli çagalar, şeýle hem olaryň ene-atalary we mugallymlary lezzet almaga mümkinçilik aldylar.
Ýük daşaýjy kompaniýanyň işgäri: “Biz günortadaky ýörite mekdebe gar sowgadyny eltýäris, çagalara garda oýnamak we gardan dürli şekilleriýasamak şatlygyny başdan geçirmäge mümkinçilik berýäris" -diýdi.
Mekdep mugallymlary “South China Morning Post” gazetine Sinçžidäki käbir çagalaryň käbiriniň şu wagtda çenli gary bir gezek hem görmändigini aýtdylar. Gar bu sebitden gaty uzak ýerde ýagýar we ol ýerlere çagalary syýahata äkitmek üçin ene-atalaryň ýeterlik serişdeleri ýok.
“Bu tebigatda geçirilen sapaga döndi. Adatça synpda çagalara suratlary görkezip, bu gar, bu bolsa gar adamy diýip düşündirýäris. Bu gezek olar bu zatlary gözleri bilen görmäge we täsirini duýmaga mümkinçilik aldylar” diýip, mekdebiň bir mugallymy aýdýar.
“Gar sowugam bolsa, ol bu ýerdäki ähli adamlaryň ýüregini eredip bildi” başga bir adam has şahyrana belläp geçdi. “Ýük awtoulag kerweni gar däl-de, uzak aralykdan söýgi getirdi” diýip, onlaýn synçy belleýär.
ORIENT news
