Varda Space kompaniýasy derman senagatynda täze gözýetimleri açdy
Varda Space kosmos önümçiligi kompaniýasy orbitada derman serişdelerini öndürmek üçin täze platformany döretmek boýunça meýilnamasyny üstünlikli amala aşyrdy.
Orbitada sekiz aýdan gowrak bolan Winnebago-1 kapsulasy kosmosda öndürilen derman serişdeleri bilen Ýere gaýdyp geldi. Ritonawira kristally bu kapsula ABŞ-nyň Ýuta ştatynyň çölüne gelip gondy. Bu preparat WIÇ / AIDS-iň bejergisinde peýdalanylýar.
Mikrograwitasiýa şertlerinde derman serişdelerini öndürmek boýunça ilkinji synag kosmos industriýasynyň we farmasewtikanyň taryhynda täze möhüm sahypany açdy.
Ýere gaýdyp gelen kapsula Los-Anjelesdäki Varda kärhanasyna indiki barlaglar üçin ugradylar, ritonawirli flakonlar bolsa Improved Pharma barlag kompaniýasyna ekspertleriň baha bermegi üçin ýollanylar.
Varda Space kompaniýasy 2020-nji ýylda esaslandyryldy. Bu kompaniýa kosmos şertlerinde mikrograwitasiýanyň özboluşly mümkinçiliklerini ulanmak arkaly farmasewtikadaky we ýarym geçirijileriň senagatyndaky usullary özgertmäge çalyşýar.
ORIENT news
