Gurbanguly Berdimuhamedow: Türkmenistan Ýakyn Gündogaryň döwletleri bilen hyzmatdaşlygy hemmetaraplaýyn ösdürmäge gyzyklanma bildirýär
21-nji fewralda Aşabadyň Halkara howa menzilinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşygy boldy.
Duşuşygyň barşynda taraplar döwletara gatnaşklaryň ikitaraplaýyn we köptaraplaýun esasda yzygiderli ösdürilýändigini bellediler. Bellenişi ýaly, yzygiderli esasda geçirilýän ikitaraplaýyn gepleşikleriň ýokary netijeliligi durmuş-ykdysady ösüşiň we taraplaryň her biriniň ileri tutýan ugurlaryna doly laýyk gelýär.
Gurbanguly Berdimuhamedow Türkmenistanyň Ýakyn Gündogaryň döwletleri, ilkinji nobatda, Birleşen Arap Emirlikleri bilen hyzmatdaşlygy hemmetaraplaýyn ösdürmäge uly gyzyklanma bildirýändigini aýtdy. Türkmenistanyň Halk Maslahatynyň Başlygynyň şu ýylyň ýanwar aýynda Birleşen Arap Emirliklerine amala aşyran saparynyň möhüm ähmiýeti bellenildi.
Duşuşygyň ahyrynda taraplar iki ýurduň we doganlyk halklaryň bähbitlerine laýyk gelýän netijeli hyzmatdaşlygyň geljekde-de üstünlikli ösdüriljekdigine ynam bildirdiler.
ORIENT news
