Russiýanyň tehnologiýalar boýunça ýokary okuw mekdebi türkmen talyplaryny ders olimpiadasyna gatnaşmaga çagyrýar
Sowet Soýuzynyň iki gezek Gahrymany uçarman-kosmonawt A.A.Leonowyň adyny göterýän Tehnologiýalar uniwersiteti Russiýanyň we daşary ýurtlaryň talyplaryny “Çagyryş” ady bilen her ýylda geçirilýän halkara ders olimpiadasyna gatnaşmaga çagyrýar.
Ýokary okuw mekdebiniň habar bermegine görä, bu ders olimpiadasy A.A.Leonow adyndaky Tehnologiýalar uniwersitetinde magistratura maksatnamasy boýunça okuwyny dowam etdirmek isleýän zehinli ýaşlary ylmy-barlag we bilim mümkinçiliklerini ýokarlandyrmakdan ybaratdyr.
Olimpiadanyň ýeňijileri 2024-2025-nji okuw ýylyndaky okuwa giriş möwsüminde Russiýa Federasiýasynyň bölüp beren okuw orunlarynyň çäginde magistr bilim maksatnamasyna ýüz tutup bilerler. Olimpiadanyň ýeňijileri we gatnaşyjylary Russiýada okamak isleýän ýaşlara goşmaça mümkinçilikleri hödürleýär.
10-njy marta çenli dowam etjek birinji tapgyryň çäklerinde gatnaşyjylar bilen söhbetdeşlik geçiriler we 45 minutda çözmek şerti bilen ýumuş berler. Ýeňijileriň sanawy 25-nji marta çenli yglan ediler.
Goşmaça maglumaty ýokary okuw mekdebiniň web-saýtyndan öwrenip bilersiňiz.
ORIENT news
