"Ahal" futbol topary Türkiýede okuw-türgenleşik ýygnanyşygyny geçýär
Fewral 18, 2024 | 13:29 |5584
"Ahal" futbol toparynyň ikinji okuw-türgenleşik ýygnanyşygy Türkiýede geçiriler. 18-nji fewralda badalga berilýän okuw-türgenleşik ýygnanyşygynyň maksady futbol toparyny Türkmenistanyň öňde boljak çempionatyna düýpli taýýarlamakdan ybaratdyr. Bu barada "Ahal" futbol toparynyň metbugat gullugy habar berýär.
Şu gün milli futbol toparynyň oýunçylary Türkiýä ugradylar. Toparyň wekilleriniň mälim etmegine görä, taýýarlyk döwründe toparyň oýunçylarynyň bilimlerini we başarnyklaryny artdyrmmaga gönükdirilen çäreleri giňişleýin beýan etmek göz öňünde tutulýar.
"Ahal" futbol topary Türkmenistanyň Kubogynyň 4 gezek eýesi bolmagy başaran öňdebaryjy sport toparlarynyň biridir.
ORIENT news
