Hazar deňzindäki Türkmenbaşy we Amirabad portlarynyň arasynda şertnama baglaşmaga taýýarlyk görülýär
"Eýranyň deňiz ykdysadyýeti" forumyna gatnaşmagyň çäklerinde "Türkmendeňizderýaýollary" agentliginiň wekilleri Hazar deňzindäki Amirabad portuna we ýörite ykdysady zolagyna iş saparyny amala aşyrdylar.
Bu ýerde olar eýranly kärdeşleri bilen gepleşikleri geçirdiler hem-de Türkmenbaşy Halkara deňiz portunyň hödürleýän hyzmatlary we mümkinçilikleri bilen tanyşdyrdylar. Bu barada agentligiň web-saýtynda habar berilýär.
Gepleşikleriň barşynda Amirabad Türkmenbaşy-Amirabad ugry boýunça gämi gatnawlaryny gaýtadan dikeltmek meseleleri maslahatlaşyldy. Iki deňiz portunyň arasynda fider gatnawlarynyň ýola goýulmagy portlaryň halkara ulag geçelgerlinde deňiz söwdasynda eýeleýän orunlaryny has-da pugtalandyrar. Şeýle hem Türkmenbaşy Halkara deňiz porty bilen Amirabat ýörite ykdysady zolagynyň arasynda baglaşyljak ylalaşygy taýýarlamak meselelerine hem deglip geçildi.
Hazar deňzinde amala aşyrylýan ähli deňiz söwdasynyň 59 göterimi Amirabad portuna degişlidir. Portuň baş direktory Mohammad Ali Musapuryň mälim etmegine görä, hususy taraplaryň bunker we ýapyk ammarlaryny gurmaga gönükdiren maýa goýumlarynyň, şeýle hem Amirabat portunyň Demirgazyk - Günorta halkara ulag geçelgesiniň ugrunda amatly ýerde ýerleşmegi netijesinde import edilýän harytlaryň möçberi düýpli ýokarlandy.
Eýran kalendary boýunça ýylyň ahyrynda (şu ýylyň 20-nji marty) bu deňiz portunyň ýükleri kabul etmek we ibermek boýunça rekord görezijini gazanmagyna garaşylýar.
Eýran neşirleriniň mälim etmegine görä, eýran we Mahaçkala deňiz portlarynyň arasynda ýaşyl gümrük zolagy döredilendinden soň, Amirbaddan iberilýän harytlaryň möçberiniň artmagyna garaşylýar.
ORIENT news
