Türkmenistanly ýaş sazanda ýene bir gezek halkara bäsleşiginde baýrakly orna mynasyp boldy
Türkmenistanly ýaş sazanda, M.Kuliýewa adyndaky Türkmen milli konserwatoriýasynyň ýanyndaky ýörite sazçylyk mekdep-internatynyň wekili Eziz Garýagdyýew «Şapak» atly VIII halkara sungat bäsleşiginde 3-nji orny eýeledi.
Bäsleşik uzak aralykdan geçirildi. «Instrumental žanr» (üflenip we kakylyp çalynýan saz gurallaryny çalmak) ugry boýunça çykyş eden Eziz Alessandro Marsellonyň «Goboý we orkestr üçin konsert» (goboý we fortepýano üçin sazlaşyk (do minor) eseriniň birinji bölümini ýerine ýetirdi.
Bäsleşige çagalar sazçylyk mekdepleriniň, sungat mekdepleriniň, çeperçilik mekdeplerinň okuwçylary we aýry-aýry ýerine ýetirijileri gatnaşdylar
Bäsleşigiň emin agzalary medeniýet ulgamynyň öňdebaryjy hünärmenlerinden, Russiýanyň görnükli medeniýet we sungat işgärlerinden ybarat boldy.
Ozal Eziz çagalar sazçylyk mekdepleriniň we çagalar sungat mekdepleriniň okuwçylarynyň arasynda saz çalmak boýunça «Sazly marafon» atly IX Bütinrussiýa bäsleşiginde baýrakly orna mynasyp bolupdy.
ORIENT news
