Türkmenistanyň Prezidenti oba hojalygynda suwy tygşytly ulanmagyň möhümdigini nygtady
Prezident Serdar Berdimuhamedow anna güni geçirilen Ministrler Kabinetiniň mejlisinde oba hojalyk toplumy boýunça wise-premýer Taňryguly Atahallyýewiň gözegçilik edýän pudaklarynda ýanwar aýynda ýerine ýetirilen işleriň netijeleri baradaky hasabatyny diňläp, oba hojalygynda suwy tygşytly ulanmagyň wajypdygyny belledi. Şu nukdaýnazardan, döwlet Baştutany wise-premýere suw üpjünçilik ulgamlaryny döwrebaplaşdyrmak boýunça tabşyryklary berdi.
Pudagyň gurluşlarynyň önümçilik görkezijileri barada hasabat beren Atahallyýew, üýtgedilen Oba hojalygy ministrliginiň we täze döredilen “Türkmenpagta” döwlet konserninde, “Türkmengallaönümleri”, “Türkmenobahyzmat”, Azyk senagaty, Maldarçylyk we guşçylyk senagaty döwlet birleşiklerinde işleriň ýola goýluşy barada habar berdi.
ORIENT news
