Aşgabatda daşary işler ministrlikleriniň derejesinde türkmen-gruzin syýasy geňeşmeleri geçirildi
15-nji fewralda Türkmenistanyň daşary işler ministriniň orunbasary S.Muhammetdurdyýewiň we Gruziýanyň daşary işler ministriniň orunbasary Aleksandr Hwtisiaşwiliniň gatnaşmagynda türkmen-gruzin syýasy geňeşmeleri geçirildi.
Duşuşygyň dowamynda taraplar ikitaraplaýyn syýasy-diplomatik, söwda-ykdysady we medeni-ynsanperwer gatnaşyklaryň häzirki ýagdaýy we mümkinçilikleri bilen bagly meseleleriň giň toplumyny ara alyp maslahatlaşdylar. Iki ýurduň dürli derejelerde yzygiderli aragatnaşyklarynyň ýokary netijeliligi we ähmiýeti bellenildi. Şunda, döwlet we hökümet ýolbaşçylarynyň derejesindäki duşuşyklaryň Türkmenistanyň hem-de Gruziýanyň arasyndaky gatnaşyklary çuňlaşdyrmagyň esasy guraly hökmünde çykyş edýändigi nygtaldy.
Şeýle hem, taraplar ikitaraplaýyn ykdysady hyzmatdaşlyk boýunça hökümetara toparyň işine ýokary baha berdiler. Ulag, energetika, söwda, oba hojalygy, syýahatçylyk, ylmy we medeni gatnaşyklar türkmen-gruzin hyzmatdaşlygyň geljegi uly ugurlary hökmünde kesgitlenildi.
ORIENT news
