Hytaýda ýurduň geçimişini we geljegini baglanyşdyrýan demir ýol menzili guruldy
Hytaýda ýurduň geçimişini we geljegini baglanyşdyrýan demir ýol menzili guruldy.
Bu taslama MAD Architects gurluşyk kompaniýasy tarapyndan amala aşyryldy. Täze ulag merkezi 1907-nji ýylda Hytaýyň Günorta-Gündogarynda gurlan köne Szýasin demir ýol menziliniň keşbi boýunça bina edildi.
Kompaniýanyň binagärleri bu demir ýol menziliniň köne foto suratlaryny jikme-jik öwrendiler, saklanyp galan resminamalar bilen tanyşdylar. Taryhyň dowamynda onuň binasynyň durky birnäçe gezek üýtgäpdir.
Soňra bolsa döwrebap, ýöne asyl nusgasyna meňzeş binanyň taslamasy işlenip taýýarlanyldy. Gurluşygyň dowamynda ýerli kölüň palçygyndan taýýarlanylan 21 müňe golaý kerpiç ulanyldy.
Şeýle hem gurşluşyk işlerine landşaft dizaýn boýunça hünärmenler çekildi. Olaryň güýji bilen bir ýarym müňe golaý bag nahallary oturdyldy, depeleri ýada salýan emeli belentlikler döredildi.
Demir ýol menziliniň ýanynda medeni ulgamyň edaralary we söwda nokatlary ýerleşer. Yşyklandyryş üçin elektrik energiýasyny tygşytlamak maksady bilen täze demir ýol menzilinde gün batareýalary we köp mukdarda aýna ulanyldy.
Bina eýýäm gurlup tamamlandy we tutuşlygyna diýen ýaly ýeriň aşagyna çöken esasy desganyň ýanynda ýerleşýär.
Demir ýol menziliniň ähli ulag we täjirçilik bölümleri ýeriň aşagynda ýerleşdirildi, demir ýollaryň sany bolsa 5-den 6-a ýetirildi.
Bilermenleriň aýtmaklaryna görä, 2025-nji ýylda täze demir ýol menziliniň ýolagçy akymy ýylda 5 müň 280 adama deň bolar.
ORIENT news
