Türkmenistanyň Prezidenti we Halk Maslahatynyň Başlygy Raisini Ynkylap güni bilen gutlady
Prezident Serdar Berdimuhamedow Eýranyň Prezidenti Seýed Ebrahim Raisini Eýran Yslam Respublikasynyň milli baýramy - Ynkylap güni bilen gutlady.
Gutlagda "Türkmenistan bilen Eýran Yslam Respublikasynyň arasyndaky köptaraply gatnaşyklara ýokary baha berýäris we gadymy goňşuçylyk däp-dessurlaryna esaslanyp hyzmatdaşlygy mundan beýläk-de ösdürmäge taýýardyrys" diýilýär. Bu barada “Watan” habarlar gepleşiginde habar berildi.
Türkmen halkynyň Milli Lideri, Halk Maslahatynyň Başlygy Gurbanguly Berdimuhamedow hem Eýranyň Prezidentini bu baýramçylyk bilen gutlady.
"Türkmenistan bilen Eýran Yslam Respublikasynyň köp asyrlyk doganlyk gatnaşyklary bar"-diýip, bellemek bilen, Halk Maslahatynyň Başlygy bu gatnaşyklaryň iki ýurduň halklarynyň bähbidine mundan beýläk-de ösjekdigine ynam bildirdi.
ORIENT news
