Mask ykjam aragatnaşykdan peýdalanmaz
Fewral 10, 2024 | 20:20 |9701
Amerikaly telekeçi, SpaceX kompaniýasynyň baş direktory Ilon Mask ykjam aragatnaşyk hyzmatyndan ýüz öwürmegi meýilleşdirýändigini aýtdy. Oňa derek Mask X sosial ulgamyndan peýdalanar.
“Birnäçe aýdan soňra men öz telefonymyň belgisini öçürerin we audio hem-de wideo jaňlar üçin diňe X sosial ulgamyny ulanaryn” diýip ol sosial ulgamyndaky sahypasynda ýazdy.
X sosial ulgamyny (öňki Twitter) satyn almak boýunça geleşikler tamamlanmanka Maks bu platformany Hytaýyň WeChat platformasyna meňzeş goşunda öwürmegi meýilleşdirýändigini aýdypdy.
Bir ýyl geçenden soňra bolsa audio wideo aragatnaşygy iOS üçin goşundylarda peýda boldy, ýakynda bolsa bu mümkinçilikler Android ulanyjylar üçin hem elýeter boldy.
ORIENT news
