Rus dili boýunça okuwçylaryň arasynda ders olimpiadasy guralar
Döwletmämmet Azady adyndaky Türkmen milli dünýä dilleri instituty 9-11-nji synp okuwçylaryň arasynda rus dili boýunça 2-nji olimpiadany gurar. Bu barada ýokary okuw mekdebi "ORIENT-e" habar berdi.
Ders olimpiadasyna gatnaşmaga isleg bildirenler 4-nji marta çenli onlaýn görnüşde hasaba alnar. Jemi 2 tapgyrda geçiriljek olimpiadanyň birinji tapgyry 6-njy martda geçiriler. Birinji tapgyryň dowamynda gatnaşyjylar 3 sagadyň dowamynda ýokaryokuw mekdebiniň resmi web-saýtynda ýerleşdirilen temalaryň biri boýunça rus dilinde düzme ýazarlar.
Ders bäsleşiginiň 2-nji tapgyryna gatnaşmaga hukuk gazanan okuwçylaryň sanawy 14-nji aprelde mälim ediler. Ders bäsleşiginiň ikinji tapgyry 27-nji aprelde sagat 10:00-da Azady adyndaky Türkmen milli dünýä dilleri institutynda geçiriler. Ikinji tapgyryň dowamynda gatnaşyjylar test soraglaryna jogap bererler.
Goşmaça maglumaty ýokary okuw mekdebiniň web-saýtyndan alyp bilersiňiz.
ORIENT news
