“Demokratiýa we hukuk” žurnalynyň nobatdaky sany çapdan çykdy
Türkmenistanyň Döwlet, hukuk we demokratiýa instituty tarapyndan türkmen, rus we iňlis dillerinde neşir edilýän «Demokratiýa we hukuk» ylmy-amaly žurnalynyň nobatdaky sany çapdan çykdy. Bu barada Türkmenistanyň Döwlet habarlar agentligi mälim edýär.
Žurnal Türkmenistanyň Prezdenti Serdar Berdimuhamedowyň 2023-nji ýylyň 11-nji dekabrynda geçirilen Ministrler Kabinetiniň giňişleýin mejlisinde daşary syýasat ulgamynda ýerine ýetirilen işleriň jeminebagyşlap eden çykyşy bilen açylýar. Şonda döwlet Baştutany BMG we onuň düzümleri, şol sanda ÝUNESKO bilen hyzmatdaşlygy ösdürmegiň ileri tutulýan ugurlary barada belläp geçdi.
Žurnalda BMG-niň Ilat gaznasynyň Türkmenistandaky wekilhanasynyň ýolbaşçysy A.Seýitliýewanyň “Ilat gaznasy we Ösüş boýunça halkara maslahatyň 30 ýyllygy” atly makalasy hem çap edilipdir. Onda maşgalany meýilnamalaşdyrmak, gender deňligi we maşgala howpsuzlygy barada söhbet edilýär.
Žurnalda şeýle hem “Adam hukuklaryny goramak işi”, “Adam hukuklarynyň ählumumy Jarnamasynyň 75 ýyllygy we milli kanunçylygyň ösüşi”, “Intellektual eýeçiligiň milli we halkara hukuk esaslary” atly makalalar getirilýär.
ORIENT news
