«Apple» eplenýän telefonlary çykarar
Fewral 09, 2024 | 12:00 |5652
«Apple» «iPhone» smartfonynyň eplenýän görnüşiniň üstünde işleýär. Bu barada «The Information» neşiri habar berýär.
Kompaniýa eýýäm dürli prototipleri synagdan geçirýär. Kompaniýanyň wekilleri Aziýadan üpjün edijiler bilen eplenýän «iPhone» üçin düzüm böleklerini sargyt etmegiň meselelerini ara alyp maslahatlaşdylar.
Çeşmäniň habaryna görä, «Apple» eplenýän «iPad» planşetini döretmek boýunça hem işleri alyp barýar.
Tehnologiýa ägirdi enjamyň birnäçe gezek eplenmeginden we açylmagyndan soň çeýe ekranda ýüze çykýan epinleriň görünmek ähtimallygyny azaltmagy meýilleşdirýär. Netijede, açylan ýagdaýynda enjam elektron stilus bilen amatly işlemek üçin düýbünden tekiz ekrana eýe bolar.
ORIENT news
