Serdar Berdimuhamedow Ilham Aliýewi Prezident saýlawlarynda ýeňiş gazanmagy bilen gutlady
Serdar Berdimuhamedow Ilham Aliýewi Azerbaýjan Respublikasynda geçirilen prezident saýlawlarynda gazanan ynamly ýeňşi bilen gutlady.
Türkmenistanyň Prezidenti, ses berişligiň netijeleri, azerbaýjan halkynyň döwletliligi we durmuş-ykdysady ösüşini berkitmäge gönükdirilen syýasy ugruna bolan ynamyň hem-de goldawyň ýokary derejesidigini belledi.
Azerbaýjanyň Lideriniň web sahypasynda çap edilen hatda "Bu möhüm wakanyň Azerbaýjan Respublikasynyň mundan beýläk-de ösmegine we raýatlarynyň abadançylygynyň ýokarlanmagyna goşant goşjakdygyna ynanýaryn" -diýilýär.
Serdar Berdimuhamedow Türkmenistan bilen Azerbaýjanyň arasyndaky doganlyk gatnaşyklarynyň netijeli häsiýetini belläp, Ilham Aliýewiň şahsy ünsi we ýurtlarymyzyň arasyndaky gowy goňşuçylyk gatnaşyklaryny ösdürmäge uly goldaw berenligi üçin minnetdarlyk bildirdi.
Türkmenistanyň döwlet Baştutany kärdeşine saglyk, bagt we ýurduň Baştutany hökmünde alyp barýan işlerinde üstünlik, Azerbaýjanyň dogan halkyna bolsa, parahatçylyk, abadançylyk we rowaçlyk arzuw etdi.
ORIENT news
