Katar Aziýanyň Kubogynyň finalyna çykdy
Fewral 08, 2024 | 15:02 |7681
Kataryň ýygyndy topary Aziýanyň Kubogynyň ýarym finalynda Eýrandan 3:2 hasabynda üstün çykdy. Katarlylaryň düzüminde toplary 17-nji minutda Jassem Abdulsallam, 43-nji minutda Akram Afif we 82-nji minutda Ali Almoes 11 metrlik jerime urgusyndan derwezä girizdiler. Eýranlylar 4-nji minutda Serdar Azmunyň we 51-nji minutda Alireza Jahanbahşyň girizen pökgüleri bilen jogap berdiler.
Aziýanyň Kubogynyň finalynda Kataryň we Iordaniýanyň ýygyndy toparlary duşuşarlar. Duşuşyk 10-njy fewralda geçiriler.
Katarlylar ýaryşyň häzirki çempionlarydyr – olar 2019-njy ýylda finalda Ýaponiýany ýeňdiler (3:1).
ORIENT news
