Futbol boýunça Aziýanyň Kubogy: Iordaniýa ilkinji gezek finala çykdy
Fewral 07, 2024 | 16:43 |8139
Sişenbe güni, 6-njy fewralda «Al-Raýýan» stadionynda Iordaniýanyň ýygyndy topary taryhynda ilkinji gezek Aziýanyň Kubogynyň finalyna çykdy. Iordaniýalylar Günorta Koreýanyň toparyndan 2:0 hasabynda üstün çykdylar.
Duşuşygyň 53-nji minutynda Ýazan Al-Naýmat burçdan urlan pökginiň esasynda hasaby açdy. 66-njy minutda Musa Al-Tamari Anmar Al-Bahitden gelen ýardam pasy bilen aratapawudy ikä çykardy.
Finalda iordaniýaly futbolçylar 7-nji fewralda geçiriljek Eýranyň we Kataryň milli ýygyndy toparlarynyň arasyndaky oýnuň ýeňijisi bilen oýnarlar.
Aziýanyň Kubogynyň finaly 10-njy fewralda geçiriler.
ORIENT news
