Merkezi Aziýada adatdan daşary ýagdaýlarda özara kömek bermegiň mehanizmleri işlenip düzülýär
6-njy fewralda Daşkentde Gazagystanyň, Gyrgyzystanyň we Özbegistanyň energetika we suw edaralarynyň wekilleriniň duşuşygy bolup, onda suw we energetika hyzmatdaşlygy meseleleri ara alnyp maslahatlaşyldy.
“UzDaily.uz”-yň habar berişine görä, duşuşykda Merkezi Aziýa ýurtlarynyň energetika ulgamyny ösdürmek baradaky tekliplere garaldy.
Duşuşykda güýz-gyş möwsüminde energetika ulgamlaryna köp agram düşmegi, täze gidroelektrik stansiýalarynyň gurluşygy we Merkezi Aziýa ýurtlarynda energetika ulgamlarynyň ösüşi meseleleri ara alnyp maslahatlaşyldy.
Adatdan daşary ýagdaýlarda özara kömek etmegiň mehanizmleri we ätiýaçlyk çeşmelerini döretmek barada kararlar kabul edildi.
Taraplar, şeýle hem, geçen ýylda suw baýlyklary we elektrik üpjünçiligi boýunça özara borçnamalaryň ýerine ýetirilişini ara alyp maslahatlaşdylar.
Indiki duşuşykda taraplaryň gidroelektrik stansiýalarynyň, hususan-da, Gyrgyzystanyň çäginde Kambarata gidroelektrik stansiýasynyň gurluşygyny ara alyp maslahatlaşyljakdygy habar berildi.
ORIENT news
