Geçen ýyl Türkiýe syýahatçylyk pudagynda taryhy üstünlik gazandy
Dünýäniň öňdebaryjy syýahatçylyk sebitleriniň biri bolan Türkiýe 2023-nji ýylda 56,7 million syýahatçyny özüne çekmek bilen, öňki ýyllar bilen deňeşdirilende, 10% ösüş gazandy. Ýurduň syýahatçylyk pudagyndan gazanýan girdejisi 17% artyp, 54,3 milliard dollara ýetdi. Şunda myhmanlaryň bir gijede harçlaýan puly, ortaça, 99 dollara deňdir. Bu barada Türkiýäniň medeniýet we syýahatçylyk ministri Mehmet Nuri Ersoý Stambulda geçirilen mejlisde habar berdi.
Şeýle hem Ersoý Türkiýäniň syýahatçylyk önümleriniň görnüşlerini artdyrmak bilen, bu ugurda alyp barýan strategiýasyna gaýtadan seredendigini aýtdy.
«Halkara çäreleri, sport ýaryşlary we festiwallar ýaly gysga möhletli önümleri hödürlänimizde, syýahatçylyk önümleriniň diwersifikasiýalaşdyrylmagynyň syýahatçylaryň ýurtda bolmagynyň ortaça dowamlylygyna oňyn täsir edýändigini görýäris» diýip, ministr nygtady.
Şu ýyl ýurda gelýän syýahatçylaryň sanynyň 60 milliona çenli artjakdygy, syýahatçylyk pudagyndan gazanylýan girdejiniň bolsa 60 milliard dollara çenli ýokarlanjakdygy çaklanylýar.
ORIENT news
