TDHÇB-de söwdalar: içerki we daşarky bazarlara nebithimiýa hem-de ýeňil senagat önümleri ýerlenildi
Duşenbe güni, 5-nji fewralda, Türkmenistanyň Döwlet haryt-çig mal biržasynyň söwdalarynda içerki we daşarky bazarlara nebithimiýa hem-de ýeňil senagat önümleri ýerlenildi.
Daşarky bazarda Gazagystanyň telekeçileri «TPP D 30 S» kysymly polipropileni satyn almak boýunça «Türkmennebit» döwlet konserni bilen geleşik baglaşdylar.
Birleşen Arap Emirlikleriniň işewür toparlarynyň wekilleri Türkmenistanyň Dokma senagaty ministrligi bilen aşgarlanmadyk nah ýüplügini satyn almak barada geleşik baglaşdylar.
Içerki bazarda türkmen telekeçileri Dokma senagaty ministrligi bilen nah ýüplügini satyn almak barada geleşik baglaşdylar.
Söwdalaryň dowamynda jemi bahasy 1 320 736,80 manatlyk we ABŞ-nyň 1 771 200 dollaryna deň bolan 5 geleşik baglaşyldy.
Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.
ORIENT news
