Türkiýede bolup geçen ýertitremäniň bir ýyllygyna bagyşlanan makala çap edildi
«Türk dünýäsi» saýtynda Türkiýede bolup geçen weýrançylykly ýertitremäniň bir ýyllygyna bagyşlanan makala çap edildi.
Türkmenistanyň Prezidenti Serdar Berdimuhamedowyň gol çeken Buýruklaryna laýyklykda, ýurdumyz ilkinjileriň hatarynda Türkiýäniň doganlyk halkyna ynsanperwerlik kömegini iberdi, şeýle hem türkmen halas edijileri we lukmanlary Türkiýäniň ýertitremeden ejir çeken sebitlerinde halas ediş işlerine gatnaşdylar.
Makalada 2023-nji ýylyň fewral aýynda bolup geçen wakalaryň hatyrasyna türkmen skripkaçysy Selbi Kadyrowanyň Azerbaýjanyň at gazanan artisti Turan Manafzade bilen bilelikde weýrançylykly ýertitremäniň wakalary barada saz eserini taýýarlandyklary we şeýlelik bilen, Türkiýäniň doganlyk halkyna tüýs ýürekden duýgudaşlyk hem-de goldaw duýgularyny beýan edendikleri aýdylýar.
Türkiýe üçin bu pajygaly günlerde dünýä bu betbagtçylyga biperwaý garamady. Ýüzlerçe döwletler ynsanperwerlik kömegini, halas edijileri we maliýe serişdelerini ibermek bilen, ejir çekenlere kömek etdiler.
ORIENT news
