Premýer Li: Hytaý bütin dünýäden zehinlere açykdyr
Hytaýyň premýer-ministri Li Sýan ýekşenbe güni Pekin şäherinde Hytaýyň bütin dünýäden zehinlere açykdygyny aýtdy diýip, «CGTN» habar berýär.
Bu barada premýer-ministr Li Sýan Hytaýyň Aý senenamasy boýunça Täze ýyl baýramçylygynyň öňüsyrasynda Hytaýyň Hökümetiniň dostluk baýragynyň 2023-nji ýyldaky eýeleri we daşary ýurtly bilermenler bilen bolan duşuşygynda belläp geçdi.
Li Hytaýyň durmuş-ykdysady ösüşine goşant goşmakda daşary ýurtly bilermenleriň möhüm ornuna ýokary baha berdi. Şunuň bilen baglylykda, ol ýurduň daşary ýurtly bilermenleriň işi üçin giňişlik hödürlemäge we olar üçin has gowy şertleri döretmäge taýýardygyny aýtdy.
Li Sýan daşary ýurtly bilermenleriň Hytaýyň ösüşine işjeň gatnaşmagyny görmek isleýändigini belledi we olaryň ýurt bilen dünýäniň beýleki döwletleriniň arasynda köpri bolup hyzmat etjekdigine umyt bildirdi.
Şeýle hem ol bilermenleriň Hytaýy ösdürmek boýunça we Hökümetiň işi baradaky tekliplerini diňledi. Şweýsariýadan, Germaniýadan, Braziliýadan, Koreýa Respublikasyndan, Taýlanddan, Russiýadan we beýleki ýurtlardan bilermenler ylym we tehnologiýalar, «ýaşyl» ösüş hem-de işgärleri taýýarlamak ulgamlarynda hyzmatdaşlyk barada çykyş etdiler.
ORIENT news
