Futbol boýunça Aziýanyň Kubogy: çärýek finalda Katar Özbegistany ýeňdi

Fewral 06, 2024 | 12:33 |8114

3-nji fewralda Aziýanyň Kubogynda çärýek finalda Kataryň we Özbegistanyň ýygyndy topary duşuşdylar. Kataryň “El-Baýt” stadionynda geçen oýun esasy we goşmaça wagtda 1:1 hasaby bilen tamamlandy. 11 metr aralykdan jerime urgusyny ýerine ýetirmekde katarlylar 3:2 hasaby bilen üstün çykdylar.

Oýnuň 27-nji minutynda Kataryň ýygyndy toparynyň oýunçysy Hasan Al-Haýdos hasaby açdy. 59-njy minutda bolsa, özbek toparynyň oýunçysy Odiljon Hamrobekow hasaby deňledi.

Ýarym finalda Katar Eýran bilen duşuşar. Çärýek final oýnunda Eýranyň ýygyndy topary Ýaponiýanyň ýygyndy toparyny 2:1 hasaby bilen ýeňmegi başardy.

ORIENT news